Moree' South Africa ... scenes & sights

Pemisi kami sebilik sekali tu, chukup lelak taja laban ke pemayoh pejalai, penuh enggau pengingat segulai, serta mayoh amat menoa dipeda. Gambar-gambar ke diambi aku bisi rosak ketegal kamera mit aku labuh (pemendal ngambi gambar), nuh terpaksa ngena kamera besai & berat agi! Nya alai nadai tentu mayoh gambar alam kamera aku, laban mayoh agi aku buruk mai kamera beratnya. Bala bukai udu ngambi gambar diri sebilik tang iya ke pelik-pelik nya alai enda ulih dikongsi ditu :D

Enti bisi peluang, tau endal menoa Afrika Selatan tu dilawak! Jam terbai semina 10 jam lebih mimit pengubas iya endal, agi belala nepan bilun ko keda!! Aba aku, lama amat laban ke enda tentu tan duduk jenoh lama!! Lalu rega tiket pen agi ulih ketegal tambang MHlow; taja engka nadai maya taun baru ketegal FIFA World Cup 2010! Affordable meh. Tang rega endor diau & motokar umbas iya rega.

Menoa ditu lebih bahaya ari menoa kitai laban orang ke nerompak mayoh agi, orang mupu tisi jalai bisi mega, serta orang ke nyelai pen bekeliaran. Kami benasib laban bisi penyaga orang Zulu siko enggau belama! Menoa pen ulih endor berbai senapang pandak; lalu sekeda endor bisi tanda madah ke iya 'gun safe'.

orang mandi manda di tebing pantai di Durban, kami bebungkul enggau shawl/sweater ketegal chelap! Nie ke dianjung?!!
The Afrikaans were swimming/surfing at the beach in Durban, whilst we were bundled up!



perkampungan sida orang Afrikaan
An African village
Lesedi Cultural Village, its like our Cultural Village in Kuching, tang enda semanah lalu jauh mit! Rega tama pen jauh MAL!!!! Enti enda salah ingat aku bayar masuk orang asing semina RM50.00; ada Lesedi RM150.00!! BTW, iya ke bediri aba kereta buruknya 'jungle boy' kami!
Lesedi Cultural village, just outside Pretoria.




downtown Pretoria
SA Museum
University of South Africa campus. I took some pictures also at the campus of University of Pretoria (my nephew studies there, & 1 more will be attending there in January!).
sign that World Cup 2010 is coming to town! More signs of the event, infrastructure construction etc ... a good question is, will it be ready in time?
cultural performance at the market place
love this flower, tang enda nemu nama iya?? Ditanam aba tisi jalai, manah amat dipeda aku.
Exotic wildlife park, animals berkeliaran ...



sida papar-razi & lil 'jungle boy' :D
stategist berunding & YB (yang bayar! :))

Ngintu Hari Krismas ...

Setiap taun, endang belain cara kami sebilik ngintu Krismas atau mega endor. Kadang-kadang bala kiroh amat nyendia ke pemakai malam lalu kadang-kadang enda, iyanya ngasoh chef bukai kiroh. Tang pengawa ke sigi enda berubah setiap taun ianya ngintu iya begulai enggau diri sebilik. Naka ke ulih, kamy menyadi endang begempuru maya nya. Enti semua ulih begempuru, puji Tuhan.

Maya Krismas sigi enda ngintu 'rumah terbuka', taja enti bisi bala kaban nyeguk, sigi bisi ngah utai ke mimit disedia. Siti ari kebuah enda ngatur 'rumah terbuka' maya tu, ianya ketegal udah ngadu ke 'rumah terbuka' maya Gawai Dayak ke bala mayoh. Aba aku, Krismas tu endang masa begulai enggau diri sebilik serta kami endang berundang sama diri enggau bala betunggal. Laban tuju Krismas tu kitai ngena Hari Pengada Jesus Kristus, lalu nya mega maya beterima kasih ke berekat Allah Taalah.

Ketegal sebilik nuh udah besai & mayoh serta mega di merata endor; cara ngintu nuh jauh berubah mega. Alam kandang 10 taun tu, kami udah ngintu di Sibu, Kuala Lumpur (suah agi), Melaka, USA, Australia, serta baru-baru tu di South Afrika. Ke taun tu, enti nunda ke atur; endang ngintu Krismas di Afrika Selatan kena 25.12, enggau bala aku tang enda mukai-mukai kami terpaksa pulai tumu agi; ketegal bala ke besekula enggau bekerja. Tang sebedau pulai, kami mega sempat makai serumpu Krismas diri sebilik aba siti restoran terkenal di Pretoria!

Sebilik maya Krismas di Pretoria!

Kami ngagai siti restoran barat lalu servis chukup manah, taja endor nya mit aka 'intimate' lah. Mayoh agi bala ke kia nya orang biak-biak, kami aja ke sebilik, lalu diberi sida endor sudut serta lantang ngah endor! Enda kala aku meda wine list nge manjai nya! Mayoh macam wain bisi, ari merata endor. Aku lalu meda champagne list aku ... ai ke diminat! ;) Enti ambai lalai bisi, steadi agi iya, keni? ;)



Gambar bala maya di restoran.

Kemari, kami mega ngintu makai malam Krismas; lalu chef ianya ipar tuai! Enda puas makai steak di Afrika Selatan, menyadi aku Prof. pen lalu ngasoh Chef iya nyendia ke western meal biasa aja. So pemakai kami ~ steak, manok, kentang, jagung, roti, & sup herba. Sedap amat pemakai ~ terima kasih sis ke pengiroh deh nyendia ke pemakai! Aku laban ke enda tentu rindu makai daging merah, manok ditumbuk dulu! Orang ke selalu besampi ianya Apai; tang lemai kemari ~ aku! Bakal Paderi belajar!!! :D

Pemakai Krismas Sebilik

Malam Krismas tu tadi kami sebuat nurun ngagai restoran cina di Sri Kembangan. Chef kami mesti diberi 'cuti' berapi! Menu sup sharkfin, manok stim, tofu jepun alam claypot, serta sayur ijau, dsbnya. Udah nyepi daging masak masam manis, Valerie lalu muji panok aunty iya sedap agi!! Senyum aunty iya, dipuji iya!! Aku nuh enda teringat ngambi gambar, lemai tu tadi!!

Nya meh cerita kami sebilik ngintu Krismas.

Awak ke Allah Taalah meri berekat selalu. Amen

Selamat Hari Krismas...

Selamat Hari Krismas.

Besampi ke semua kitai diberkat Allah Taalah bulih Pengerai, Pengerindu, Penglikun alam semua pengawa.

Selamat Hari Jadi Kimberly ...

My darling, Happy 19th Birthday!

You have transformed into a beautiful Butterfly.

Wishing you a Blessed day & may the days bring you lots of Joy, Love, and Peace!

We love you!!

Aunty B & Val

Moree' / Sawabona ...

Kami udah datai ba Pretoria lebih seminggu tu, lalu nadai tentu bisi pengawa. Releks aja di rumah, mandi, serta raun-raun aba sebelah pasar semak-semak aja, laban bala anak agi sekula summer! Hari benong nyamai endal, suhu dianatara 16-24 deg C; pengumbas iya aja.

Mansang kitu ari nya, aku tu tembu irau ke apai & indai, takut seduai enda tan laban bilun ke bekejang tumu pagi ianya jam 1.20 pagi ari KLIA. Tang stedi ngah seduai, lalu kami mega nganti aba MAS Golden Lounge; tang kelalu sekut laban ke pemayoh orang.

Empai tentu berambi gambar, laban ke empai raun endal. Nganti minggu tu baru belaboh raun, udah bala datai magang.
Val nyemerai begulai enggau petunggal ...
Anak bujang ...

Aba Lounge!

Aum Betaun SIAC Methodist magai 60 Taun!

Pengerami ngintu SIAC Methodist 60 taun udah ditubuh ke di Sarawak, ukai semina ngelai ke pemansang gereja/Kristus alam pengidup kitai Iban; tang mega mantai ke berekat Tuhan ngagai pengerja iya! Taja kurang alam pemisi dunya, tang kaya alam pengerai & pengerindu. Aum betaun ke sekali tu diselit ke sida enggau 1 seminar dibai Prof. Jayum & Prof. Dimbab & siti makai malam ngenang 60 taun SIAC udah ditubuh ke. Ketemu aku, batch ke terubah bala paderi Iban - ianya Rev. Joshua, Rev. Jerry Rabbu & hero kami!

Indai, Indai Polycarp, Apai & Apai Polycarp - 2 orang paderi tuai Gereja Iban Methodist. Kaul sebilik Kristus ke mangai lebih setengah abad. pengerindu ngagai pagan diri agi bedau meruan, taja lama enda betemu (ketegal udah nyadi pengibun uchu!! :D)

Presiden SIAC nyepu kek nanda ke 60 taun Methodist Iban. Tang iya ke nyiru ke aku, bala paderi-paderi Iban nadai dibai/dikelala maya nya. Bala Komiti udah ditegur aku kemari alam pekara tu. Datai maya iya, kitai anembiak Gereja/Tuhan, berdiri kering kediri, ngemansang ke Gereja, mambal ke Jako Tuhan, muka ati/runding ke penemu pemansang ke baru. Aku ingat ke siti jako Bishop Methodist Rev. Dr. Hwa Yung - gereja kristian ke paling mujur kediatu ianya gereja SIB. Aku tertanya alam ati - Nama Kebuah? Nama utai/chara pengibun sida ke lain? Sama-sama kitai wai menyadi (kelebih agi ke alam sebilik Methodist) berunding bakani kitai ulih ngubah ngambi gereja kitai, anak domba kitai, penemu kitai - di intu.

Semija enggau Tuai Kaban Orang Biak Methodist (KOBM), Cik Caroldyna, Prof. Jayum, Prof. Dimbab enggau kaban gereja siko dah.

Alvin Jawan & Kumang Tampun Puji, Pengeregau Batang Rajang aku, Valerie - sama merah baju, baka ke udah bejanji seduai!

Begulai enggau Pn. Monica Giri

(Penolong Pemegai Wang Bala Indu Methodist, ke mega naydi Sapit aku alam SIDS, Sibu)

Kami tu selalu pengerami sibuk aja-saja, sekali tu 'relax' aja; lalu begambar! Orang kuat kami siko dah, ianya Pn. Uchi Maseng (Sekretari SIDS, Sibu) baru semampai ngagau. Nyadi MC jako omputih iya malam nya.



Sekeda bala ke ngulu pengerami makai malam. 80 iti mija bisi dijual malamnya, rega RM1000/semija!


Rev. Damat (President SIAC), Prof. Jayum, Prof. Dimbab, Pastor Frankie

begulai enggau tuai-tuai Gereja Methodist Iban pengudah seminar. Taun tu, aku berati ke pengubah (angin pengubah) aba Gereja Methodist - laban ngagau ke 3 iko orang ke bejako endang tebilang ari sigi mansut ke penemu pengubah. Pengubah ke bepun ari kitai empu!

Deko Krismas ...

Pagi tu tadi, kami sebuat ke Farley supermarket, bebeli ke sida kambut laksa sarawak ke ka dibai bejegau. Tang ukai nya ke ngasoh aku alit ati; tang meda pereka krismas udah dipansut. Kayu plastik krismas & deco, nuh tersusun di kaki lima aba Farley. Amat tumu endal ngah pansut!

Pemain Bola Tampar Harapan ...

Aku tengahari tadi beguwai guwai nurun ke sekula (nuka enda ingat laban ke di gereja enggau orang mending ke ajar bup kudus), laban ke ka ngambi Valerie ari praktis bola tampar. Iya tu ngandal ke diri pemain negara ila - udah diasoh iya ngambi cuti belama ngambi bisi enggau support team iya ila! Au anak, ko indai iya tu!! Anang2 ila nuh nyadi YB (digelar Sebugey ~ YB=Yang Bayar); nama penyadi!! :D

Minggu dulu suba udah menang team iya - rumah kuning alam bola tampar. Gaga amat iya ngemantai ke medal emas. Nya meh iya lalu ngasoh aku meli jemari siti kena engkak sida medal & trofi. Jam kediatu udah bisi 3 iti tropi (dimenang quiz sains & metamatik - 2 gangsa + 1 perak) serta 2 medal (1 gangsa + 1 emas). Minggu baru, betanding antara sekula di Sibu; udah diasoh iya ngambi cuti sehari! Meda gaya dulu; enggai tek aku siko aja gelik-gelik indai/apai orang ngemata ke main. Iya ngah ke ragak nama meda anak diri bemain!

Orang empu lalu minta dibeli ke kasut sukan, laban ngelama tu tudah kena kasut sekul aja. Udah ngah aku 'invest' RM49.99 (nadai ditusung duit aku RM0.01!!! pandai law perintah/cina kedai ngerakal duit aku!!! ) ke iya. Arap2 ulih baka sida mmmm sapa enda ngah pemain terkenal bola tampar??

Kasut baru dibeli seharitu. Betul enda kini tu kasut main bola tampar? Enti di KL nyamai kedai sukan tu di engkak label kasut kena nama. Di Sibu, nadai label - tanya aku orang kedai; 2x5 baka aku! So nadai ngawa lah; kena aja diatu - kasut multi-purpose! Kena raun2 pen ulih!

Aum Betaun SIAC MW ...

Aum Betaun Sarawak Iban Annual Conference - Methodist Women belaboh kemari, lalu aum nya deka bejalai 2 hari. Pengelama aku udah enggau Bala Indu, taun tu meh ke terubah aku enda enggau nyadi pengari tauka pemerhati. Ketegal? Pengelemi aku empu! Besampi minta Allah Taala meri pengering & pengeliat ati nungah 'challenge' ngemansang ke Bala Indu di menoa pesisir.

Enti nunda ke senang amat (ko ati din) ngerja ke pengawa Sarakup dipegulai ke enggau pengawa Bala Indu Methodist - laban kedua2 nya ngerempong bala indu. Tuju kedua2 pen nuka sama serta ulih ke diserap. Ngemansang ke bala indu ari segi pemansang dunya baru, baka sekula, penemu, pelajar, dsb; lalu ari segi Bala Indu Methodist pen sama tang dikait ke enggau pemansang roh, ngelala Jesus Kristus, dsb. Nama kebuah enda ulih dipegulai? Nama ke nyadi penanggul? Bakani ulih ngemansang ke besama? Agi pen bala Sarakup pen ketebal agi bala Kristin; semina bisi siko/dua ke agi megai pengarap lama.

Allah Taalah beri meh kami penemu, pengering ati, penau, tunjuk ajar; ngambi ulih ngemansang ke gereja nuan, ngeremai ke ajar nuan, ngemulia ke nama nuan. Amen.


Bala Indu Sitak Sarikei

Bala Indu Sitak Sarikei - Bandaraya Kuching

Bala Indu Sitak Bintulu

Bala Indu Sitak Kapit

Bala benong sembahyang pemuka aum

Rev Damat, Presiden SIAC, ngajar sembahyang. Manah amat mesej iya - kesimpulan bejako pasal pengubah, muka pikir runding kitai ke idea baru, dsb. Pengandal pengubah endang bisi di ati/ peramba bala anembiak gereja ke umbas ke deka ke pengubah ari gereja konservatif/tradisi ke lebih progresif. Sampal kita besampi ke Presiden ulih mai pengubah tu - 'wind of change' udah betiup!

Pagi tu tadi, bini Presiden SIAC (Pn. LeeLam) mai ajar ari bup kudus. Aku tu kelalu nyenuk ninga ajar iya, nuh enda ingat ngambi gambar iya. Manah amat ajar iya - pasal penguji alam pengidup.

Bujang Cmanggang beranak?????

Aaaapuuuu udah bisi anak nuan BujangC?? Nya iya, pansut rahsia!! :D gambar baka tu bukti besai!!!

Bujang C tu orang kuat tem NRW aku, hmmm bepanggak ngah reti NRW (non revenue water); baru berati ke iya!! hahahaha Anang Ngeruwah Ai!!!! :)

Keamat endal, maya kami nemuai ngagai Pn. Kemasess kemari, Bujang diasoh mangku anak laki bala Pn. Kemasess. Peda gaya iya nuh terkukuh ... praktis bujang, praktis ... kati ko deh - projek 2010. Laban udah besemaya enggau apai deh, mali bula! Kami tu senantiasa nganti diri makai janik, ngirup tuak (ooohhh coca cola engku ;) ), belagu 'bujang Simanggang' serta poco2! Anang tusah, aku tanggung belagu semalaman :D tang takut bala temuai deh legi nuh lari magang!

Anak keterubah ...

Pn. Kemasess, En. Sengalang (baju t kuning) & Bujang Selanggau Morris Carlos begulai enggau bala auntie2 & uncle Ai! Iya ke megai hamper Mr. President KESULAS aka BujangC.

Tengahari hari lima tu kemari bala kelab rekreasi/sukan opis nemuai ngagai Pn. Kemasess, ngabas iya ke baru udah beranak. Tu endang siti ari program kelab (mmmm aku baru ingat, aku suba enda di-abas sida!! berutang hadiah siti nya, campur 'interest' 10 taun, besai agi hamper engku!!) ke semua member, nemu nya sakit/beranak etc. Kelab penyayang!

Seminar di Penasu ...

Kaban ke enggau seminar

Belajar ngaga bakul wee

Ujung minggu tu aku ngulu seminar di Penasu ke diatur sida Majlis Wanita & Keluarga. Kertas kerja ko jako 5, tang ke nyadi 2. Ko jaku belaboh jam 9 pagi; nyadi 10.30 pagi. Mayoh pengawa sida iya enda tentu teratur, aku laban ke orang ke nitih ke jam; bisi ati 'regat' berati ke orang - muai jam!

Taja pia, bala indu bisi ke utai ke dipelajar sida - ari segi penemu ke bala kitai indu Iban di rumah panjai, chukup manah.

Kelimpah ari nya, mega bisi ngatur belajar ngaga bakul wee & pasu kertas. Manah amat, lalu bisi potensi digaga ke dijual peda aku.

Arap ke sida penganjur tu ulih ngadu ke mayoh agi program ke baka tu di menoa pesisir.

Raun Raun Cari mmmm ...

Dua (2) minggu tu nadai kerja bukai aku tu, nemu nya di opis tauka ke di rumah, temuh ngiga tambang mudah aba internet. Baru tembu dibayar pejalai ke bulan tu, taja empai nurun; nuh udah ngatur pejalai siti agi. Dikagau ke orang mantai ke kertas kerja! "Laku" amat meh tu diatu; udah digelar pakar kini nya! :D Puas aku tu ke ngeretuk website, ngiga tiket bilun ke mudah - nadai tek bagat mudah endal ngah; enti ngena AA bisi ngah savings chukup kena raun raun nguji ke kereta-api eurostar, ngejung ke nemuai ngelayang English Channel. Udah aku tu betukus lumus natok ke website bilun, betatok ke website hotel ngah! Nagak pengemal ngah hotel - laban ke dikali 6 belama. Arap2 tetemu ke kos ke ulih ditanggung; laban aku tu ka declare pemisi kediri ke tudah anak. Pikir ka mai iya meh tu.

Pengagau begiga ke tiket/endor diau; betulis ke list utai ke utai ke dibai raun-raun ke menoa sida Mandela ngah aku tu. Takut enda ingat; panjai diri list - sida budu, pusu, sos laksa, kompia, kampua mee ke dikering, dsb. Ni ke begiga ke ziplock ke besai serta tebal - aku nuh enda ingat dini endor meli iya suba. Puas aku ngorek kotak2 ziplock aba Farley, lalu enda ditemu. So siapa kita ke bebeli utai di Farley, enti bisi meda kotak2 ziplock carik mimit ie chukup tunjuk siti - pengawa aku sekeda iya!! Nasib enda dirara bala ke bekerja; laban ke bala kitai magang, enda iboh sida. Sida ditanya aku, enda ngah nemu penebal.

Tahniah ngagai Kemasess ...

Peda comel amat baby, jeles aku!! Aku ka siko dah!! :D

Tahniah ngagai

Kemasess & menyadi aku Sengalang Jawan

ke udah diberi Allah Taalah pemeri ke pemadu besai

- Bujang Selanggau -

* Morris *

ke ada kena 27 Oktober 2009

lalu pemerat iya 3.22 kg!!