Sawubona Afrika Selatan ... Berita 2

Tiga minggu aku tu belelang di benua Afrika, lalu mayoh macam endol ke dilawak. Aku semina ngagai tiga bengkah endol ianya Johannesburg, Pretoria, enggau Cape Town. Tuju pejalai endang ketegal kerja; tang sambil-sambil meda menoa. Tu meh keterubah iya aku sangkai di benua Afrika. Negara Afrika Selatan tu diluar jangkaan aku, ari segi pemansang & pemanah menoa. Pengasai aku mula datai, asai ke di Amerika, lalu endor ke dilawak pen cukup teratur, bersih, serta kawasan menoa (environment) endang dijaga. Cuaca maya diatu benong belaboh chelap diantara 5 deg C - 17 deg C ... tang asai aku chelap agi, maya bisi angin (lebih-lebih agi di Cape Town).

Endor ke bisi dilawa aku:-

1. Pretoria & Johannesburg - Freedom Park, Museum, Safari, serta endor2 ke semak, etc

2. Cape Town - Stellenbosch, vineyard, Table Mountain, Cape Point, Victoria & Albert Waterfront, township, etc

Aku mega di Pretoria, sempat niki opis High Commission of Malaysia lalu betemu enggau bala pegawai2 nyengkaum High Commissioner ( ;) menyadi aku empu!! ). Ketegal pejalai rasmi, sida ari Maltrade/Perwakilan mega bisi ngatur sesi betemu makai serumpu. Mayoh diri orang Malaysia ke kerja di Afrika Selatan.

Ari Kiba: Timbalan Pesuruhanjaya Tinggi, En. Ilham, Cik Norshima, aku, Pn. Josephine (bini TYT PTM), TYT Pesuruhanjaya Tinggi Malaysia, En. Kennedy Jawan.

Maya ke berandau enggau orang ai ditu, ianya Rand Water, sida nyebut ai ulih diirup terus ari pili tap. mmmm? Kitai di menoa agi bepanoh ke ai - sekeda; taja ai kitai pen ulih diirup ari pili tap (ai di Sibu!! :D)

.... sambung baru ila ... gambar2 endor ke dipeda ...