Seminar SIDS, Sibu ...

Prof. Dr. Jayum (professor Iban ke terubah) begulai enggau EXCO SIDS, Sibu

DO Pn. Chumang (DO indu Iban ke keterubah) enggau bala EXCO

En. Brin, ari opis Residen Sibu ngari ke DTTG Opis Tourism Sibu

Bala ke enggau besemina

Berhasil endal seminar ke bala SIDS Sibu ke taun tu. Di sedia ke endor chukup ke 150 bala kaban, tang nuka 200 bala ke ka enggau; nuh ulih nulak ketegal endor & belanja enda chukup! Endang sigi pemayoh bala indu kitai Sarakup ke selalu enggau be-semina ngah tu - antara 150-200 orang!

Sekali tu bala indu dikongsi ke penemu pasal ngatur pengawa 'homestay' di rumah panjai diri empu, udahnya dibai ninga ke pasal pengawa aba di opis DO, lalu ke penudi ninga ke randau pasal pelajar. Jam ke disedia 2 jam siti kertas kerja, padat sekali ditampal enggau sesi tanya saut!

Bala ke mai kertas kerja ianya,

• Encik Brin Ak Munsang pasal pengawa 'homestay',
• DO Puan Chumang Ak Nyambong pasal penau/penemu ke patut dikempuan bala indu ke dipejalai ke di opis DO, serta
• Professor Dr. Jayum Ak Jawan ke mai pasal pelajar ke semua peringkat.

Enti raudau/runding enggau Prof. nyadi; nyangka ngatur siti dah randau begulai enggau 3 orang professor kitai Iban ari KL/Kuching. bulan November tu ila. Kada ke sida 3 tu bisi lalu ke Sibu, aku ka 'nangkap' sida lalu ngatur siti Randau baru.