Thursday, February 18, 2010

Stail Baru ...

Maya agi mit suba, nya stail ko sida indai lalu nya meh nyadi. Diatu anak aku tu, nuh 'belaya' belama nama maya ka begunting ke buk. Iya agi mit suba, aku ke bejako enggau tukang gunting kami duai! Diatu, orang empu bejako enggau tukang gunting; baik tukang gunting nya udah teleba kami lebih 15 taun!

Stail buk kami duai enda tentu jauh meh berubah ari setaun ke setaun. Engge anak, lurus panjai; engku panjai selalu begeletang aba ujung.

Udahnya, lama buk tudah anak digalau panjai. Lawa diri, taja lelak amat betanchang buk setiap pagi maya ka nurun sekul. Buk iya setiap pagi, ditanchang iku kuda :D lalu sebedau nya diusut enggau minyak buk, datai ke buk iya 'sleek'! Enda tau serambal buk nya pansut!
Stail buk iya diatu pandak aja. Digunting tegan taun 2009 tu kemari. Meda bala kawan iya be buk pandak; iya pen ka. Gunting aja. Diatu iya ka ngalau buk iya panjai baru ko iya; ketegal ko iya empu .. "Mummy, I look better with long hair." Tang peda aku, sama manah! Semina buk pandak, nyamai agi di-intu!
Gaya 2010 .. maya taun baru cina.

Laban ketegal buk iya tu nuh panjai dimua, stail diatu .. dikelit buk dimua ke belakang. Sehari suntuk iya musin ke buk iya. Aku relax aja, meda orang betinjau aba cermin. Penyadi iya...
Gaya 2010 - pengudah taun baru cina!!

Kati peda kita? Lawa agi? ;) Orang empu rindu amat ke stail buk nya. Cermin mata pen baru (lens aja) ketegal degree cermin nuh niki mimit. Gagang enda ditukar, laban ke baru dibeli empai bulih 6 bulan serta mega agi manah.
Posted by at
Labels:

4 comments:

  1. CharleneFebruary 19, 2010 at 6:22 PM

    Akai, sigi udah dara amai-amai anak nuan. Nda lama, alu bisi bf..nyak baru mummy ia ila..bendar beketis nyadi spy!

    ReplyDelete
  2. Endun BelalaiFebruary 20, 2010 at 6:26 AM

    hahaha amat nya wai! udah praktis nyadi 009 aku tu ;) alat 009 udah dibeli magang, bala kakitangan udah 'in place' magang! ahemmm bala Sarakup!! :D enda lama, engge deh ngah wai!

    ReplyDelete
  3. AnonymousFebruary 20, 2010 at 10:49 PM

    EB-nyau enda berasai dara Val neh. Manah meh nyak, nuan pan agi biak, anak udah besai. Baka mami aku diatu guyang kaki laban anak udah besai.

    Haha geli ati aku ninga "plan udah in place"..enda ulih imagine.

    ReplyDelete
  4. -f-l-o-April 26, 2010 at 7:38 AM

    Kiut! Beklip nya pun manah stail. Enda iboh stylo iga enti agi sekula, baka ka mak aku selalu madah suba. Nya bok aku suba pandak belama. Enti panjai, ditanchang baka iko kuda meh. Hehe. Udah masuk U baru bisi ka stylo-stylo mimit tang agi berhati-hati laban bisi peraturan (tambah agi duit apai indai). Sekali udah gawa nyehhhh... lalu macam-macam kaler udahnya.

    Diatu nyau chelum baru bok aku. Haha. Nemu ga boring ngecat bok. :-P

    ReplyDelete

Subscribe to: Post Comments (Atom)