Pasar Farley tu endang siti endor ke sigi mayoh orang, ketegal Farley Supermarket, kedai makai (kira-kira 7 iti kedai makai, lalu iya ke pengambis besai Farley Food Court) serta mega beberapa iti tuition center. Setiap hari/ujung minggu endang penuh enggau kereta serta mensia! Tang endor tu nadai tentu atur - jalai bisi nya 2 hala, lalu sekeda 1 hala; tang orang semua enda peduli ke nya - nyangka ketegal signage nadai? Lalu sekeda orang Sibu tu buruk amat bejalai, lalu rindu amat ngeletak kereta sida di mua kedai, nemu nya bisi endor parking tau ke enda!
Nya meh pekara ke nyadi aba aku nemalam. Aku endang setiap ujung minggu ke Farley ketegal nganjung anak tuition. Pengudah nyangkai ke iya, ka pansut aku, peda aku jalai pansut jam! Sigi bisi orang parking segapa tu. Amat ngah. Kereta mercedes tu parking aba tisi jalai lalu nge-block sepiak jalai. Semua kereta nuh terpaksa nyeleya ke iya; lalu nadai jalai ke pansut. Ditambah ke mega, didepan bisi kedai kereta ke ngerepair kereta aba benong jalai! Nya iya; nadai ngira orang sida tu. Kira diri empu aja!!
Gamal jalai 2 hala nyadi sehala .. lebih 15min baru aku ulih pansut!
Kereta mercedes, engka iya ngira iya aja mayar cukai jalai nya iya parking segapa!! Agi pen, bala ke driba ditu, nyengkaum aku empu meh kadang-kadang, enda nelap aba jalai alun. Enggai ber-beri jalai; nya ngasoh jalai sekut agi!!
Kadang-kadang geli ati aku ke bala sida SMC/JKR enda berati ke atur/tusun jalai. Endang mayoh jalai alun ditu, atur enda tentu berapa. Au, nyangka sekeda kita bekira ke aku tu enda madah ke sida iya; puas aku tu berandau/bejako enggau engineer sida pasal kurang atur di area Farley; nadai ngah pengubah. Engka nya sigi baka kitai, enggai enda ditulis ke surat, enggai enda bisi rekod komplain baru ka ngaga pengubah. Why fix something if there's no complain attitude!!
Aram meh kitai ke di Sibu nelap agi maya aba jalai alun ngambi kitai lantang dreba!
Selamat Hari Easter!!
Hi Endun Belalai nama berita nuan? Aku bisi pulai ke menua datai di Sibu 9 April, nemu nuan utai difikir aku, mee kolok ba Farley food court nya meh kak dituju aku dulu. Aku sigi nemu Area Farley na sigi sibuk, tambah residental area sepiak sepiak jalai nadai alai nyeliah, tambah bala cina kak amat beraja ba jalai alun. Enti ngena kerete Mercedes nama agi deh, jalai bas ulih meh ipa ia, kena mantai ke standard sida ia, neda nemu diri enda bertamadun, atur ke senang pun enda ulih dititih. Ni kak ngasuh menua likun enda amat nya.
ReplyDeleteEnti deh aba Farley Food Court ngagau ke aku, opis & rumah aku semak! Selamat pulai ke menua wai! :)
ReplyDelete