Pemeri ...

Siti verse alam bup Kudus ke dikerindu aku, ianya ari bup Mathew 7:7/ Luke 11:9! Aku enda mantai ke nama leka jako dia; laban asai aku, kita nemu agi tauka enggau lantang ngiga iya.

Tang alam pengidup kitai enda semua utai ke dikerindu tauka disampi kitai nya deka diberi Allah Taalah. Nama kebuah? Kati sampi aku kurang didinga Iya? Sampi aku enda nyemetak tauka terang? Peminat kelalu besai, lalu enda ulih diberi? Agi ngiga? Mayoh tanya ketegal sampi enda disaut tauka enda datai ... nama kebuah?

Pengidup kitai endang bepun ari Allah Taalah; lalu semua pejalai pengidup kitai endang udah diatur Iya. Nya alai alam mayoh bengah pekara alam pengidup, aku sigi nyerah ngagai Iya; semina ketegal kitai mensia, kadang-kadang enda ulih nerima pemeri Tuhan. Nyangka kadang-kadang pemeri Tuhan tu ukai ke 'dipinta' kitai; tang munyi ko siko paderi ke amat-amat disayau ke aku, niang Paderi Serani Pillai, ... Tuhan nemu guna kitai, lalu Iya meri nitih ke guna kitai!

Allah Taalah, Apai Kami ke Diserga, aku nyerah ke pengidup aku ngosong Nuan, beri meh pengering, pengliat ati, pengerindu, pengasih ke nyampau pemayoh; awak ke aku ulih ngatur pengidup nitih ke cara ke betul, nitih ke ajar Nuan. Nuan siko aja ke nemu guna alam pengidup setiap kami, Tuhan. Sampi tu dipinta alam nama Tuhan Jesus Kristus, Amen!

(Translation provided upon request :D )