Minggu tu udah dua hari enggau orang bertalat ke bala indu ke ka diambi nyadi jurutera & penolong jurutera aba opis aku. Kati ke runding aku ngambi bala indu kerja alam bidang tu?
Enti nunda ke iya, endang nadai tentu dirunding ke; laban laki tauka ke indu - sama ulih ngerja! Tang ketegal ulah sekeda ari bala indu ke enggai kerja begilir, kerja malam, etc ke nanggul aku ngambi sida. Maya aku belaboh suba, barang maya dikagau; aku sigi nurun. Kadang kerja sampai pagi; nadai bisi sebana. Orang biak diatu, diasoh kerja lebih, diasoh kerja malam, diasoh nurun ke padang ... semua enda ulih; lebih agi sida ke indu. Sekeda madah ke diri enda ulih nurun laban enggau staf laki ianya nurun kediri. Nie alah nuh semua nurun ngerja pengawa ke sama! Mayoh amat kebuah enda ulih. Bakani ka diambi? Sekeda maya temuduga pen nadai 'semengat' gaya. Lembab aja gaya.
Siko ari indu ke ditanya, madah ke diri enti bala staf nundi (flirt) iya; iya ka nundi (flirt) mega ko iya! Parai kitai - sigi tentu bisi kes skandal nyadi enti iya ngawa. Bakani ka nyukong bala sida ke indu. Tu ukai bererti sida ke laki nurun ditanya tadi manah; bisi ngah ke enda terpansut ke jako! Sekeda nuh bergetar bejako.
Bala anembiak kitai mesti nyendia ke diri sebedau nurun ditemuduga. Bakani cara? Pekara ke minima patut ditemu ianya infomasi pasal organisasi ke dilawak; baru dipeda pintar, nemu ngiga infomasi, serta cergas! Mayoh mega pekara bukai ke patut ke disedia ka.
Kasih endal aku meda bala anak biak kitai tu tadi. Asai ke enda baka nya aku suba; ko bala sida ke nanya aku kelia - stedi aku ;) ... semina di'anu' sida ketegal enda nemu nama lagu negeri!! Ya enda nemu nama lagu 'Ibu Pertiwiku'!! Nya ko aku nyaut sida - udah tu (temudaga) legi aku enda semina nemu nama lagu; aku mega nemu belagu ke iya! :D
Nyadi bakani pemutus di opis dua hari tu tadi .... antik dulu, aku empai ulih mantai ke berita laban agi 'rahsia'. Tang bala ke ngelala aku, nemu aku tu endang sigi nyukong pemansang orang indu. Asai aku nemu lah kita pemutus iya!!
No comments:
Post a Comment