Methodist Women ...

Ujung minggu timpoh aku dibagi ke Gereja/Bala Indu; Aum Betaun Bala Indu Methodist, Sarawak Iban Annual Conference serta masa nya chukup 'berkat' endal aba aku.

Bala BOD benong ngulu ke aum, ninga report Pemegai Wang.

Sebedau kami baum kena hari satu (7.11.2011), kami bisi pemalatih sehari ianya ke besangkut enggau tema gereja Methodist seMalaysia. Ngeremai ke Jaku Tuhan, Ngubah Raban Mensia (Spreading Spiritual Holiness, Transforming the Nation). Lalu sehari - hari kemari kami ninga ke ajar ke chukup manah ari Rev. Thomas Lau, siko pengajar/paderi ari Methodist Theological Seminary di Sibu ditu. Iya mai ajar:-

1. Ngubah Diri Nengah Jaku Kristus (Transforming Self Through Christ Words), enggau
2. Ngubah Bala Indu - Perampa (Transforming Methodist Women (Iban), the Way Forward)


Sekeda bala BOD begulai enggau Rev. Jonathan (penyalin) serta Rev. Thomas Lau (kena kot)


Ajar iya negu amat aba ati aku alam mayoh pekara, tu sekeda pekara ke agi di ingat ke aku:-
1. Berati ke diri lalu betati ke pengubah nengah/nitih ke siti bup ie Bala Indu of One Book (Bible),

2. Belajar ke bup kudus kena konsep PELITA, ie cara-cara macha bup kudus,
P - Puji
E - Elak
L - Lantang
I - Ingat
T - Taat
A - Aksi

3. Belajar ke 5 K ie cara kitai mansang, kitai ngembuan -
Kasih - pengasih dalam ati, semengat, pikir, pengering
Kudus - pengudus alam ati & pengidup
Kitab - tetati serta belajar ke leka jako bup kudus
Kukuh - alam pengarap
Kaya - bulih semua utai ke ulih, nyimpan semua utai ke di-ulih, udah nya mega meri seberapa ke ulih

Siti dah ajar ianya ari Pn. Winnie Chan, ke ngemantai ke nama reti nyadi indu Kristian ke meruan.

Sebedau aum tu kemari, aku mega selalu besampi nama utai ke patut disebut aku maya aku bejako ngagai Bala Indu. Aku tu tadi Vice President Bala Indu Methodist SIAC, lalu kami bisi pengerami lemai ke terubah kena ngiga belanja. Pedis aku betati ke bakani jako aku enggau sida bala indu Kristian. Enti iya bala Sarakup, enda iboh di sedia - aku endang selalau bersebut ke pemansang kitai indu Iban. Aku besampi ke utai ke dibai aku ie jako aku. Pengasai aku leka ke selalu pansut di ati serta di runding aku ianya leka jaku tu - garam, pelita/api, bent woman - nya alai nya meh mesej aku malam nya. Lalu pengudah nya ditambah aku enggau - teamwork, penyaum, pengampun.

Enda mukai-mukai, semua bala paderi ke bejako pengudah nya pen lalu ngerembai ke jako aku nya.

Bala Paderi-paderi gereja Methodist belagu enggau Aksi ... Jesus Kayu, Aku dan iya etc etc ...




Bala BOD mai siti lagu - Pengerindu Nuan Tuhan - kedua-dua Bala Indu ke megai mike nya kira ke penyanyi terkenal ke dia meh nya! :D


Puji Tuhan semua pengawa mujur, lalu aku berasai chukup lantang.


It was a long weekend - Saturday to Monday - I was involved with the confrerence of Methodist Women of the Sarawak Iban Annual Conference. It was really fulfilling and I am so inspired, touched, and motivated after listening to two papers presented by Rev. Thomas Lau (preacher/lecturer at the Methodist Theological Seminary. His mesages were right on spot on Transformation!