Ngagau ke diri ...

Beberapa bulan tu endang ngagau amat aku, segau-segau baum, bemain, serta berjako di merata endor. Kebuah iya? Laban ati ke rindu endal ngah begulai serta bersulu enggau pagan diri. Taja aku tu ukai orang ke udu bejako ;) tang meh rindu amat ngah mending ke bala bercerita lucu sida!

Pun Ogos tu kemari, kami sebuat nurun bemain bowling enggau bisi nuka 15 iti tem. Siti tem, 4 0rang sekaban. Aku laban ke ari kawasan Maludan (SIDS Sibu) lalu bekaling enggau bala indu ari opis aku empu ke mega nyadi kaban SIDS Sibu. Stedi kami, champion baru!! Auk aku tu nadai dianjung, bol aku tembu nuchi parit aja! :D

Kiba-Kanan: Mundun, Aku, Lynda & Elizabeth -
semua orang kuat bowling (ko kenu aku nya, nyukup ke tubuh aja!)

Tu bala ari kelas ngaga tangu; setiap hari enam aba opis SIDS Sib. Aku tu nyengguk orang aja, mata (ke lebih agi pengelandik kerja jari) nadai dianjung! Rindu meda sida ketugau ngaga tangu. Ke ngasoh kelas tu rami, sida kaban tu; sambil jari berkerja, mulut bercerita jenaka! Tang meda aku sekeda mayoh agi ke ketawa ari berkerja! Semina tangu-tangu tu tembu sebedau Krismas tu ila!!


Ujung minggu Julai tu kemari, bisi 70 orang bala kami nurun nemuai ngagai Rh. Imba, Sg. Passin. Naka meh penjauh menoa, naka meh pemerinsa nadai ai paip! Rumah panjai sida endang chukup manah serta tegap; tang nya meh nadai ai paip & elektrik! Empai datai pemansang ke baka nya, taja menoa bukai udah chukup mansang.

Penatai kami disambut enggau chukup basa. Manok dibiyau, babi digayang! :)

Bala ke diluan moto enda tentu ragak, nyangka laban aku ke bisi kini bala malu bercerita jenaka. Sida ke dibelakang express ukai enda chukup ragak! Dinga kami di luan cerita sida!!

Nemuai & ngirup tengahari enggau 2 orang kaban ke enda berpengerai ianya Pn. Monica Giri & Pn. Juliana (Indai Daniel). Rindu ka betemu baka tu ambl erandau enggau pagan diri.