Amat lama meh blog aku tu enda di-abas!  Laban kaban ke ngasoh nusi cerita baru; nya meh nuh muka iya ngah!

Selamat Taun Baru (taja 5 bulan 8 hari laun! :) ) serta Selamat Gawai Dayak Gayu Guru Gerai Nyamai.  Besampi ke semua bala bolih berkat, tuah belimpah, pengerai, pengerindu serta semua utai ke disampi.

Taun tu tadi nuh kelalu ngagau enggau kerja, pengawa Sarakup, serta mega pengawa Bala Indu Methodist - nyangka kelalu mayoh pengawa/tuai ke disanggup; tang ati amat rindu ngah ngerja iya serta begulai enggau bala kitai indu, kelebih agi kitai indu Dayak.  Ke taun tu berunding ke bakani kitai ulih negi serta ngemansang ke kitai indu Dayak ke peringkat ke lebih agi.

Siti pengawa ke patut dikerja kitai ianya kitai patut ngaga 'network' tauka gerempong kaban ke besai agi ari kitai indu Dayak, nemu nya bala ke bekerja tauka ke enda.  Ari kitai bekelala (network), kitai ulih betulong pagan diri alam pelbagai pengawa, serta nyukong & meransang pagan diri.

Nama penemu bala kitai?

Naka tu dulu berita aku.  Ila nampung baru!

Ngagai bala ke selalu macha blog tu; terima kasih ketegal selalu nyenguk ruai aku tu, ninga cerita enda tentu aku tu! :)