Serumpu Gawai Staf Dayak ...

Sehari tu amat lelak ... terebai ke Kuching pagi tu tadi, laban ke dikagau ke ngulu pengawa opis meda Menteri nyain MOU ke Solar Hybrid Power, udah nya terebai pulai kena bilun jam 9 malam. Naka pengelelak, ati bisi enggai nurun meda pengerami Serumpu Gawai Ngiling Bidai - tang keni ko enda nurun, aku ngah ke ngerumpung sida iya. Pengawa diatur ngambi ke bisi begempuru, bekela enggau pagan diri serta sebilik sida.

Nuh jam 10.30 malam baru aku datai. Dinga ari jauh lagu sida. Apu udah hebat amat sida! Pemakai mayoh macam disediaka sida - aku makai pansuh manok aja - dua kali nyinkau asi enggau manok! Ambis pengelelak nyau maya udah datai serta begulai enggau sida. Rindu amat! Terima kasih Bujang Cmanggang ke udah ngenuai ke pengawa - ukai semina sigat, landik mega ngerja pengawa! :D Terima ke semua bala staf Iban/Dayak (serta enggau bini sida) ke udah nyendia, ngatur pengerami, serta nyokong pengawa tu.

Tuai rumah?

Belakang Bujang Cmanggang (baju cholat) aja ke ulih dipeda ber-poco poco ...

Pemanca nguyap manok ...

Bala bini-bini staf ...

Tukang kagau & tukang egin...