Pengawa sampai ke Ujung Taun...(September-Disember)

Berkat ke udah dilimpah Allah Taalah endang mayoh, Puji Tuhan ke pemeri/berkat Iya!

Ngelama iya nuh lembau selembau ngah mansut ke cerita/berita aba blog tu; laban ke udah dipansut aba Facebook; tang nadai ko enggau iya meh, laban ke udah besemaya enggau diri empu.

Aba pengujung taun tu, belabaoh ari bulan September tak penuh diri ngah kalenda aku; pengawa udu endal ngah ngasoh diri bejalai ke Kuala Lumpur enggau Kuching; udahnya pengawa gereja/Bala Indu/GCMW, lalu Sarakup.  Ditambah ke ngah enggau Peace Group!

Pengawa ke ngerindu ke ati & ngemansang ke semengat ianya:-
Sempat enggau meda BIBCo 2013, tu siti conference bala ke rindu ke manik tauka ke ngaga kraft patut enggau.  Aku enda minat ngaga, tang minat amat ngena! :)

Sempat betemu enggau YBhg Datuk Seri Empiang & Datin Senorita ke bisi ngulu aum/makai malam.

Malamnya mega bernasib amat betemu enggau siko 'classmate' aku kelia; Merjory!  Terima kasih ketegal ingat ke aku, taja aku tu nuh 'berumur' enda ingat!  Ila mesti begiga ngambi sempat berandau!

Enda kurang begulai enggau bala SIDS Kuching serta SDGA!

Alam Bulan November, aku nuh ngagau endal mega enggau aum-aum bala indu Kristin Methodist SIAC & SCAC!  Bala Indu Methodist SIAC mega ngintu ulang taun ke 50 pengudah ditubuh; lalu pengerami ke besai di atur ke semua bala. 

Bala Indu Methodist SIAC - bisi 150 orang enggau baum ke sekali tu.  Tubuh ke paling mayoh alam sejarah Bala Indu!

Mega bisi ngatur progrim meri ayam lemik ngagai rumah anak mit.

Melah kek ulang taun!

Aku mega bisi enggau ngulu Aum Besai Indu Methodist SCAC, ujung bulan November.  Maya nya mega bisi meri ayam lemik ngagai rumah anak mit Methodist di Sibu.

Nyua ke soft toy, diperati ke tuai2 sida bala indu Methodist SCAC & President SCAC

Pengudahnya baru aku belelak 3 minggu cuti-cuti ke Europa!  Sepatutnya belaboh cuti 4 haribulan; tang ketegal kerja, nuh belaboh 10 haribulan.  Nadai ngawa, asal diberi peluang bercuti!   Tang batang pengawa ke England (Leeds) ianya ketegal anak dara bajik aku, Kim, graduate Masters iya; lalu kami sebuat enggau kin meda iya convocation!!  Aku enda diasoh mantai ke gambar-gambar ... nangka aku nyebut aja meh! ;)

Cuti-cuti tu umbas iya ngah pengerindu.  Ke batang iya, aku lembau sekali tu laban nya maya 'winter' lalu, aku baru ngah udah raun kitu taun nyin kemari.  Kasih ke madik/ipar ke mai; nurun ngah aku.  Laban aku mega sinu ke apai/indai ke tinggal, laban seduai enggai enggau.  Menyadi aku ke siko ko jako enggau seduai. :)

Kami sebuat belaboh di Paris.  Bejalai kelut2 kin kia, nyadi tourist ... enda ditinggal ke Village & Disney Paris!!  Puas ngira barang-barang ke dibeli!!  Nemu ngah kaban sinu; bisi ngah meli siti dua ke aku! ;)  Nya utai ke batang dibeli aku ... COACH ... taja macam2 jenama bisi aba tisi aku! ;)

Pejalai kami menyanak, jauh diri ngah ... beg ambis labuh!  Pejalai kami Paris - London - Leeds - York - Liverpool - Edinburgh - London ... puas ngangkut beg besai nanai kin kia!!  Nya aku nadai tentu bebeli ke utai, semina di Paris & London aja ke bebeli ke siti dua! ;)

Jenama ti dikerindu ... 'cheap' ko kaban, laban enggau meli LV!

Leeds University, nurun convo anak dara bajik aku ke besai agi .. enda tau pansut gambar iya! :)

Paris, kali ke dua!  Nya kami duai ngambi 'angle' ke lain endor begambar!! :)

Diatu udah datai di menao, benong releks ngenat ke diri batuk; lalu berunding ke kini pejalai taun baru.  Empai pulai ke menoa, nuh udah dibeli ke kaban tiket ke bulan Januari tu ila.  Akaiii daiiiii enda nemu aku nyaut nya.  Sampai ke bulan Mac, tiket bilun aku udah disedia!! Kada meh tu bulih cuti belama!!

Selamat Taun Baru ke semua pembaca blog aku; terima kasih ke sokong kita ngelama tu.  Besampi ke semua kitai bulih berkat ari Allah Taalah ke pengasih, bulih tuah belimpah ke datai ari Iya siko aja; serta bulih pengerindu/pengelantang/pengerai enggau semua peminta ke patut ari Allah Taalah!

SELAMAT TAUN BARU 2014!!