Selamat Taun Baru 2014
bala kaban ... enti agi bisi bala ke macha tu!
Laban ke kelalu mayoh pengawa setaun dua tu, lalu jarang endal nga ngadu ke blog tu; tang enggai enda ngah nusun ke berita. Sekali tu aku ngerintai ke pengawa alam empat bulan ke terubah taun tu.
Mayoh amat ngah pekara ke udah nyadi alam taun tu: taun kedua aku megai tanggungjawab nyadi Presiden Bala Indu Methodist Malaysia serta mega pengawa bukai.
Pengasai iya, udah megai pengawa tu; tak mayoh endal ngah pekara ke mesti diatur. Puji Tuhan, laban alam pengawa gereja/Tuhan, mayoh diri ngah orang ke bepenemu ke ka nulong. Semina ulih digiga aja meh sida iya. Siti projek ke tak terengkah aba aku ke baru nyadi tuai ianya, ngaga Rumah Bala Indu Methodist (Methodist Women Center) di Kuala Lumpur. Kadang-kadang maya berunding, nyangka nya ka Tuhan ngagau, laban ke diatu, aku siko meh indu 'engineer' alam golongan tuai-tuai suba lalu maya nya mega ulih berunding ke projek tu enda enggau emosi. Projek tu udah diperunding ke bala lebih ari 10 taun lalu nadai asil ke ngemuas ke ati semua bala. Alam kandang quadrannium tu mesti berunding ke bakani ngemaju ke Bala Indu Methodist - tang endang alam ati aku ianya - bakani kitai ke Indu Dayak nyadi ke 'tengau' & 'garam' pemansang dunya. Munyi ke jako ribai - Dayak Women being the 'light' and 'salt' of the nation. Arap ke enggau kuasa roh alkudus, ulih nyadi ke pengerak (catalyst) pengubah (change). Sama-sama meh kitai besampi ke tu ulih nyadi!
Taun tu, anak dara aku mega ngintu hari pengada iya ke belasan! Kami ngatur sembahyang mit aja di rumah enggau diri sebilik enggau bala 'best friends' tudah anak.
Sembahyang Birthday Anak Che Mit Molek aku! Selamat Hari Jadi, Nuan endang anak ke datai ari Allah Taalah serta Sulu Mummy!
Taun Baru Cina taun tu, kami semua terbai ke Kuala Lumpur ngambi ke ulih begulai enggau bala-bala madik & anak. Tahniah mega ngagai menyadi aku ke nyadi Duta ke Sepanyol belaboh ari pun taun tu. Semua orang madah ke diri 1st Ambassador Dayak magang; tang asai aku kitai mesti merati ke bala ke dituduh nyadi Duta ketegal politik tauka ke megai pengawa nyadi 'career diplomat/PTD officer'. Nya alai, kami ngaga ati ketegal menyadi aku PTD ke terubah nyadi Duta.
Gambar sebilik nyambut Taun Baru Cina.
Pengawa alam SIDS Sibu mega mayoh; lalu tu taun ke 14 aku nyadi Pengerusi; lalu endang sentiasa ngiga pemansang ke kitai indu Dayak/Iban. Gaga ati alam taun tu (udah beberapa taun tu, baru kitai indu Dayak alam gerempong dikelala/ diberi pengawa) - ianya kitai indu Iban bisi udah nyadi Pemanca & Cr alam opis-opis kunsil di merata menoa Sarawak. Taun tu SIDS Sibu mega nyambut ulang taun ke 25; lalu pengerami deka diatur alam bulan Oktober tu ila. Arap ke semua bala kaban ke bisi macha tu, ulih enggu magang!
Aum bala EXCO ke terubah taun tu.
Progrim diatur begulai antara SIDS Sibu & Bala Indu Gereja Methodist Sg. Assan Sibu. Gaga ati alam progrim mujur endal diatur ke semua bala.
Taun tu mega betemu enggau kaban-kaban ke lama enda enggau betemu. Terima kasih Tuhan ke udah meri peluang tu. Alam bulan Mac to kemari, aku betemu enggau kaban 'childhood'; taja berita pagan diri selalu didinga, tang lama enda betemu - ketegal pengawa, rumahtangga, enggau mayoh macam kebuah ke digaga kitai mensia! Berasai blessed & gaga betemu enggau Diana Kanyan; nuh asai ke biak baru - ketawa ke cerita lama!
Diana Kayan enggau aku serta Teresa Suli.
Ketegal SIDS - aku ngelala 2 iko menyadi 'rock' tu :D ke chukup manah serta ngerindang. Nama seduai mesti di'rahsia' ko; laban kelalu mayoh ngelala! Terima Kasih ketegal udah limpang 'ketawa' enggau aku!
Tiga sekawan SIDS di Hilton!
Nya meh kelalu mayoh kaban, nama bejalai di menoa enda tentu ulih BELALAI! hahaha Ditu rindu amat begulai enggau YiChang & Assc. Prof. Madeline Berma di atas rooftop nyedut udara 'minyak' Miri! Terima kasih ke 'fellowship' ari seduai serta terima kasih ke YiChang & laki iya Christopher Sawan ke udah mai merarau lemai.
Madeline, Alice & YiChang
Maya SIDS BGM sehari nya bisi mega betemu enggau MAMARAZI Jenny Jeli! Rindu endal nama betemu enggau iya, enda ulih tutup mulut, senyum/ketawa!
Ujung bulan Mac tu kemari, ketegal berkat Tuhan bisi bejalai ngagai Singapore, Austria, England, Czech Republic enggau Spain! Semua dikerja alam 3 minggu! Nya ney, 3 minggu belelang belalai ko kenu!
Pejalai ke Singapore & Austria ketegal pengawa Gereja enggau opis; lalu ke menoa bukai; lepak2, raun2, shop2, .. belelang belalai ngiga utai ke nadai! :)
Vienna, Austria
Vienna, Austria
Vienna, Austria
Udah terengkah di benoa Eropah, enda nyamai ngah enda ngetu ba menyadi aku. Nya nuh terebai ngah ari London ke Madrid! Chukup manah menoa Spain ... agi aku belelang belalai ila!! Sapa ka enggau aku?!!
Di Toledo, Spain enggau anak dara mit aku!
Segovia, Spain
Semalam pengudah tinok ngena panggal bau aku, nuh bekejang ngah ke Bintulu ketegal pengawa. Peda stail gambar kami tu - nadai peda lalu double/triple chin! Betul stail begambar baka tu, semua orang dipeda magang!
Sarawak Water Supply Retreat 2014
Minggu tu tadi (26.4.2014), bala SIDS Sibu bisi nemuai ngagai Sg. Engkalat ngagai Rh. Adin ke udah tingang penusah rumah augus. Kasih amat ngah sida; nuh ambi keresa augus! Bakani meh kitai berunding ke sida ke diau di rumah panjai senentang tu - ngurang ke pekara augus. Ketebal agi cerita augus tu ari bilik ke nadai orang tauka ka ari sida ke tuai amat ke diau kediri ke nuh enda ingat ke api di dapur.
Nya ke tolong ngagai TR Adin, Sg. Engkalat.
Naka tu aja cerita/gambar ke ulih dipansut; laban sekeda gambar alam kategori ke 'dilalai'! :) Terima kasih udah ngetu ba blog aku tu!
No comments:
Post a Comment