Lord's Blessing ...

Ulih berkat Allah Taalah ke nyampau pengasih, aku bisi ampit diberi pinggat perkhidmatan awam alam taun 2008 tu suba; lalu kemari pinggat nya diberi alam siti upacara di Sibu. Siti tanda ke chukup bererti ketegal nya diberi kena ngelala pengawa/kerja di opis. Taja aku nemu, endang mayoh agi bala pegawai perintah ke kerja manah; tang enda semua ngah diberi ketegal opis/tuai opis nadai rekomen. Tang puji Tuhan, pala ke diatu chukup nelap pasal ngelala pengawa setiap pegawai iya; lalu iya igat ke kitai maya iya mega dikelala orang ke besai. Munyi ko siko kaban; semua pengawa endang bepun ari kerjasama!

Blessed to be included in the Sarawak Governor Award List 2008, and was called to receive IT on Wedenesday (28April). It was an award given to the Civil Service for Excellent work performance.

Aku sinu ke diri nadai orang enggau maya tu. Dulu suba, indai enggau aku maya di Kuching; sekali tu pen aku deka mai iya. Tang enda mukai-mukai, seduai iya apai nuh melancung ngenyit disambung seminggu - siko aku aja meh iya. Tudah anak aku nemu ngah sinu; nya iya 'volunteer' enda nurun sekul enggau aku. Ujung iya enda iboh aja ngah ko aku. Pemulai iya sekul, tudah anak lalu mai 'celebrate' ... aku mai deh mummy, tang deh mayar ... ko tudah, bakani ka ngelaban logik ke bakanya. Lalu di bai iya ngagai endor ke chelap ~ Secret Recipe.

Kiba-kanan:

Pius Apin (penolong jurutera nyaga produksi ai) + bini;

Daniel Wong (pengurus besai) + bini;

ke bajik tu enda ngelala aku ;)

Ngaga ngah ati aku meda Endun Michelle bisi betugas pagi nya. Nuh asai ke iya ngah enggau aku. Udah nya, mesti begambar tua aunty ko iya - au au ko aku. Nya tu meh gambar antara bala indu/anak Sarakup ke bajik2 di Sibu.

Tiket Udah dibeli ...

Nya iya! Badu agi aku bekira keni penuju jalai; klik-klik lalu dibeli tiket! Puas aku tu begiga ke tiket murah, bedau ngah rega nya lebih kurang dia - semina bisi kurang RM100.00 lebih aja - pama meh nya kena ngirup ko aku! Ulih tebeli ke siti 2 iti roti & ai irup!

Ila madah ke penuju; kati ko kaban siko - ngundang adong lalai! :D Lama aku enda nemu reti 'adong lalai'; pemuas iya nanya aba apai & indai! Tang tu ukai adong lalai tang Adong DILALAI!

Musim nya ila pen benong iya penyamai!




Nyebut 'tiket udah dibeli' - Udah meli tiket Makai Malam Gawai Dayak Sibu 2010?
Aram kitai sama2 enggau beGawai di Sibu ditu kena 22 Mei 2010 aba Dewan Suarah belaboh jam 6:30lemai! Peda kita bala anak & bala indai ngajat serta cha-cha! Dinga kita merdu suara Sijah! Anang tekenyit kita ninga EndunBelalai mantai ke sada mas ngelalu ke temuai, anang telentang kita meda EndunBelalai ngayun ke jari ngaga meda penatai kita! Aram meh, Aram meh kitai berami begulai!! Tempat ke jari kitai tanda gaga bala anak2 bulih pemutus pereksa ke manah! Sama2 meh kitai nyukong pengawa kitai Dayak tu laban kitai nguji ke diri ~~~ ~~Segulai Sejalai Sepenemu.

Nadai Ngira Orang Bukai ...

Selalu bala di Sibu sebana ke pasar tu - 'cowboy town' lalu sekeda pen nyebut iya 'gangster town'; tang iya ke amat nyangka sekeda orang ke nadai mikir ke orang bukai, lalu sekeda ke enda nitih ke atur jalai alun!

Pasar Farley tu endang siti endor ke sigi mayoh orang, ketegal Farley Supermarket, kedai makai (kira-kira 7 iti kedai makai, lalu iya ke pengambis besai Farley Food Court) serta mega beberapa iti tuition center. Setiap hari/ujung minggu endang penuh enggau kereta serta mensia! Tang endor tu nadai tentu atur - jalai bisi nya 2 hala, lalu sekeda 1 hala; tang orang semua enda peduli ke nya - nyangka ketegal signage nadai? Lalu sekeda orang Sibu tu buruk amat bejalai, lalu rindu amat ngeletak kereta sida di mua kedai, nemu nya bisi endor parking tau ke enda!

Nya meh pekara ke nyadi aba aku nemalam. Aku endang setiap ujung minggu ke Farley ketegal nganjung anak tuition. Pengudah nyangkai ke iya, ka pansut aku, peda aku jalai pansut jam! Sigi bisi orang parking segapa tu. Amat ngah. Kereta mercedes tu parking aba tisi jalai lalu nge-block sepiak jalai. Semua kereta nuh terpaksa nyeleya ke iya; lalu nadai jalai ke pansut. Ditambah ke mega, didepan bisi kedai kereta ke ngerepair kereta aba benong jalai! Nya iya; nadai ngira orang sida tu. Kira diri empu aja!!


Gamal jalai 2 hala nyadi sehala .. lebih 15min baru aku ulih pansut!




Kereta mercedes, engka iya ngira iya aja mayar cukai jalai nya iya parking segapa!! Agi pen, bala ke driba ditu, nyengkaum aku empu meh kadang-kadang, enda nelap aba jalai alun. Enggai ber-beri jalai; nya ngasoh jalai sekut agi!!

Kadang-kadang geli ati aku ke bala sida SMC/JKR enda berati ke atur/tusun jalai. Endang mayoh jalai alun ditu, atur enda tentu berapa. Au, nyangka sekeda kita bekira ke aku tu enda madah ke sida iya; puas aku tu berandau/bejako enggau engineer sida pasal kurang atur di area Farley; nadai ngah pengubah. Engka nya sigi baka kitai, enggai enda ditulis ke surat, enggai enda bisi rekod komplain baru ka ngaga pengubah. Why fix something if there's no complain attitude!!

Aram meh kitai ke di Sibu nelap agi maya aba jalai alun ngambi kitai lantang dreba!

Selamat Hari Easter!!

Makai Malam Gawai Dayak Sibu 2010 ...

Setiap taun bala Dayak di Sibu endang ngatur pengerami makai malam Gawai Dayak kena begulai & berami enggau pagan diri; ianya ke semua bala di Sibu. Taja pia, bisi ngah temuai ari menoa bukai sama-sama enggau.

Pengerami taun tu deka di-intu:-

Haribulan: 22 Mei 2010 (Hari Enam)

Endor: Dewan Suarah, Sibu

Jam: 6:30 lemai

Semua bala ke di Sibu tauka iya ke nemuai kitu diansak enggau. Rega tiket dijual semija RM500. RM400, serta RM350. Setakat kemari, semina mija rega RM350 ke aja agi bedau dijual, iya ke bukai udah ambis magang. Alam kandang seminggu, lebih 70% mija udah dijual.

Progrim ke ngerindang ati endang mayoh baka:-

• Kajat ari 3 bengkah raban basa, ianya kajat Iban, Bidayuh & Orang Ulu,
• Penyanyi-penyanyi terbilang (serta ke semadi nadai :D) mega bisi dikagau,
• Band Masterpiece,
• Line dancing ari SIDS, Sibu,
• Kumang Gawai Dayak Sibu 2010, serta
• Keling Gawai Dayak Sibu 2010.

Datai sama bela nyukong pengawa kitai.

Selamat Hari Jadi ...

Gambar begulai enggau kawan sekula iya.

Selamat Hari Jadi ke 15 ngagai anak bujang sigat aku tu! Anak bujang aku tu chukup mentas serta sinu. Setiap hari sigi diberab iya kitai lalu di tanya iya setiap masa enti bepansa. Seharitu hari pengada iya, besampi ke iya bulih 5P pengidup ianya - pengerai, pemandai, pengerindu, penyayau, enggau pengaya.

Wishing my handsome nephew a wonderful 15th birthday!

Cerita mayau beranak ...

Aku tu siko ari urang ke enda tentu rindu nupi jelu - nemu nya uduk, mayau tauka ka manok! Tang tudah anak aku tu, rindu amat ke jelu rumah! Aku tu endang selalu dibai iya nupi uduk tauka arnab tauka mayau di rumah. Maya iya mit suba; lama kami nupi manok siko ke diberi inie iya sepiak bilik. Semadi nuh mati tuai, tudah manok nya! Ko jako diberi inie bilik sepiak ke laban ke ka makai manok kampung; nuh enda nyadi dibunuh laban anak aku enda ngasoh!

Hari empat nyin kemari, mayau orang bilik sebelah nganjung diri beranak aba rumah kami, aba endor kereta. Anak aku laban ke udu meri bungai ditanam iya ai, ninga munyi anak mayau. Puas kami ngiga, nemu nya iya beranak alam kotak kosong aba endor kereta. Manah endal bulu sida 4 menyadi!!

Lalu kah dianjung aku ke orang ke empu; enda diasoh. Tuah ko orang tuai! Apuu deh, bakani meh tu ko aku; laban aku tu sigi enggai betupi ke mayau. Arap-arap maya mayau nya udah besai, indai mayau mai iya pulai ngagai rumah iya empu. Anak lalu mai aku nurun ke kedai bebeli ke pemakai anak & indai mayau! Nya nuh merosot ngah ekonomi. Kati ke tu tau nganjung TUAH, nama nya aku ke nyau duit deh? Anak lalu timbal - 'Mummy, blessings will come when you don't expect it. Anyway, its a gift from God!' - au meh anak ko ati aku din!

Nya alai nyangka bulih mayau meh kami sebilik taun tu. Anak lalu nyebut 'my birthday wish has come true'! Laban iya tu endang hari suba ka ke mayau, aku tu selalu nyebut udah iya 12 taun, udah nemu ngintu/mersi utai; baru aku ka meli ke iya 'pet'.

Aku lemai kemari, lalu berandau enggau orang sepiak ke empu indai mayau, madah ke indai & anak gerai alam kotak di rumah aku. Nya iya madah iya ka ngambi mayau iya; lak ke aja aba rumah aku, ko aku - pemali Iban (ni bisi pemali bakanya!) lalu siko empu anak aku. Au aja ngah orang sepiak aku nya! Ni enda ke dipilih anak?

Ni manah bulu? [Lyna udah ngambu iya ke chelum/burak nya :D]

The neighbor's cat gave birth to 4 cute kittens in our garden/garage last Thursday! My daughter is extremely happy with this, as she love animals and praying/hoping that we're keep one of the kittens! We're see ... I am not too keen on this. The last pet Val had was a CHICKEN!!

Genap Se-Taun Blog ...

Enda berasai, setaun udah berlalu; enda berasai, setaun udah blog berjalai. Bala kaban selalu nundi ketegal penama blog tu, tang ke amat maya nya aku nadai tentu bisi penemu ngaga nama ke manah ke blog. Udah setaun ngena nama tu, rindu diri ngah aku ke iya! :)

Aku tu lalu empai bisi hari ngubah gamal blog tu. Di-uji diubah, tang meh nuh lubah ko sekeda kaban. Nya alai di atur baru; lalu kediatu lalu empai bisi hari ngadu ke iya. Laban ke beguna ke macha lebih pasal iya, laban ke enda nemu!

Aku selalu amat macha blog bala kaban, manah amat ngah cerita/berita/penemu ke dipansut. Taja pia, udah setaun aku pedis amat ngah ngiga penemu ke dipansut/dikongsi tauka iya ke tau dikongsi.

Arap bala kaban nemuai selalu ngagai blog tu, sebarang komen/'critique' kita endang disambut enggau ati lantang.

Terima kasih ke sokong semua kita ngelama tu.