Wednesday, January 14, 2009

Tuak

Aku baru terpeda ke botol tuak tu aba Hilton Hotel, Kuching; endang patut ke kitai belaboh nyual tuak alam botol ke manah baka tu. Tang aku enda nemu bisi ka enda macam-macam tuak di jual aba pub kitai Dayak? Laban ke enda ngirup, enda kala meda aku. Tu pen baru berati ke botol tuak tu aba bar dalam bilik hotel!! (That shows how observant I am!!!) Enti nunda ka patut ngah, laban kitai patut ngemantai ke ai irup bisa asal kitai .. taja iya ai mabuk (ko bala anak).

Enti iya maya Pesta Kebudayaan Borneo (Borneo Cultural Festival (BCF)) di Sibu, sebarang botol nuh engka ai tuak. Selalunya botol plastik ai ke dikena, dijual enggau rega antara RM5.00 - RM10.00. Pemisa (alcohol content) & pemanis nadainya ditemu laban ke enda kala di analisa. Aku enda ngah nilik pemisa (alam % ai tuak tu). Taja pia, maya pekit ai tuak - kriteria ke dipeda bala akim nyengkaum pemisa, pemanis, penyeru ai, dll - tang ko aku, ni ko penyamai orang ke akim iya.

Aku tu selalu meda sida niang inie ngaga tuak, tang meh enda kala nguji ngaga. Tu meh siti ari resolusi aku taun tu - Nguji ngaga tuak!! Ipar aku (bangsa cina) udah nemu, laban ke 'berkursus' enggau indai beberapa taun suba. Aku lalu empai belajar! Nya alai, taun tu ngambi kelas 'TUAK 101'!! Pengajar tauka pakar tuak - Indai!!! Arap ulih dibantai maya Gawai, BCF 2009 tauka X'mas ila!!
Posted by at

5 comments:

  1. AnonymousJanuary 14, 2009 at 5:16 PM

    Nyankung enti ngaga tuak ila :)

    ReplyDelete
  2. Endun BelalaiJanuary 14, 2009 at 8:15 PM

    hahaha ila ngalau ke dik! TQ wai nyenguk tudah blog tu! kasihhhhhh hahaha Selamat bekelal!

    ReplyDelete
  3. DCampbell aka PuteriJanuary 15, 2009 at 2:36 PM

    Aku pen enda nemu ngaga tuak. Suba pangan cina aku ti ngintu aku maya aku ka beranak, iya ka nemu agi ... boleh tahan tuak digaga iya. Bekareh iya mai ragi ari Miri. Ditu engka tusah ngiga ragi ka dikena ngaga tuak, laban ragi enda sebaka .. nitih ka ni bagi ai bisa ti deka digaga kitai.

    ReplyDelete
  4. LyanaJanuary 15, 2009 at 3:23 PM

    Selamat Taun Baru! Selamat bekelala enggau nuan wai, ari promosi Puteri.

    Kemisi Christmas tu tadi enggau nyepi ngirup tuak pandan ari menua Kapit. Asai tuak, pemisa tuak biasa tang bau essence pandan. Strong and sweet tuak. Tuak indu ka sida ke lelaki... meda sida ia ke dulu semening madah ke nya tuak indu! peiiiiii.....
    Kemaya agi nemu ngaga tuak kediri tu ? Indai aku landik ngaga tuak tang nadai kala belajar.

    Au, aku add link nuan ba ruai aku din. Enti bisi ari ngabas aku kin neh. cheers!

    ReplyDelete
  5. Raymond MenjangJanuary 17, 2009 at 11:01 AM

    uji ngaga tuak io ke nadai beram (sediment) enti udah dituang ke botol boss. hehe bako wine urg ribai io....

    ReplyDelete

Subscribe to: Post Comments (Atom)