Nemuai Taun Baru Cina ...

Bendar kami duai menyanak ngabang ngagai bala sebilik/kaban/staf Cina! Ngumpul oren enggau angpow ko anak aku! Seminggu tu enda iboh meli buah kami menyanak, cukup diempa seminggu minggu tu buah oren mandarin enggau buah anggur! Hari keterubah, kami duai ngabang ngagai 4 iti buah rumah aja, lalu seharitu semina 2 iti. Nuh nyadi adat diatu, aba siti-siti rumah, endang bisi disedia ke sida asi, curry manok & rendang. Enti suba, maya Hari Raya aja ke makai utai ke baka tu! Diatu maya Gawai pen nyendia ke utai baka tu. Nya lah nuh puas diri ngah 2 hari tu makai masak hitam daging, Valerie rindu amat laban tu siti lauk ke rindu iya! Maya nerima angpow gaga amat, lalu deka nilik; taja udah dipadah enda tau nilik/muka aba rumah orang. Sabar ngah iya nganti ke datai aba moto! :) "Apuuuu mummy. cukup tu kena tua meli utai di London ila" ko Valerie. Nya meh pengerindu bala anak mit maya ngabang taun baru cina, ngulih ke angpow.